Logo dark variant
Սեղմեք Enter՝ որոնման համար կամ ESC՝ փակելու համար
Victoria's Secret-ի ներքնազգեստի նորաձեւության ցուցադրությունը 5 տարվա ընդմիջումից հետո վերադառնում է «Համաշխարհային շրջագայություն» վավերագրական ֆիլմով: Այդ մասին գրում է WWD-ն։
Վավերագրական ֆիլմը, որը եթեր դուրս կգա այս աշնանը, խոստանում է «միավորել նորաձեւությունը, կինոն, արվեստն ու մշակույթը»: «Համաշխարհային շրջագայություն»-ը կցուցադրի սուպերմոդելների ու կատարողների ելույթները, ինչպես նաեւ կցուցադրվի, թե ինչպես է կազմակերպվում ստեղծագործական գործընթացը կուլիսներում։
Ֆիլմի ռեժիսորն է Partel Oliva դուետը, ով նախկինում արշավներ է նկարահանել Chanel-ի, Kenzo-ի եւ Versace-ի, ինչպես նաեւ 20 ստեղծագործողների համար ամբողջ աշխարհից՝ Բոգոտայից եւ Լագոսից մինչեւ Լոնդոն ու Տոկիո: Նրանց թվում են նկարիչներ, պարուսույցներ, կինոօպերատորներ, մոդելավորողներ եւ այլ ստեղծագործական միավորներ, որոնք անհատական դիզայն կստեղծեն Victoria's Secret-ի համար:
Victoria's Secret-ի գործադիր փոխնախագահ եւ գլխավոր ստեղծագործական տնօրեն Ռաուլ Մարտինեսն ասել է. «Այս ֆիլմը Victoria's Secret ապրանքանիշի վերափոխման վերջնական արտահայտությունն է։ Այն առաջնորդվելու է նորաձեւությամբ, գլամուրով եւ զվարճանքով, անցյալի սիրելի պատկերագրության ակնարկով, բայց համարձակ, վերաիմաստավորված ձեւով»:
Ընկերության նախկին ղեկավարության հետ կապված սկանդալներից եւ վարկանիշի կտրուկ անկումից հետո Victoria's Secret-ի շոուն անորոշ ժամանակով չեղարկվեց 2019 թվականին։
