Logo dark variant
Սեղմեք Enter՝ որոնման համար կամ ESC՝ փակելու համար
Պերմի օպերայի եւ բալետի թատրոնի գլխավոր դիրիժոր Միհրան Աղաջանյանը հայտարարել է ղեկավարության հետ ունեցած խնդիրների պատճառով պաշտոնը լքելու մտադրության մասին։ Այս մասին հայտնում է Newsko.ru-ն։
«Կան այնպիսիք, որոնք, իմ կարծիքով, վնասում են ստեղծագործական գործընթացին։ Ես տարբեր տեսակետներ ունեմ այս մարդկանց հետ թատրոնով զբաղվելու վերաբերյալ, եւ ինձ թվում է, որ մեր համագործակցությունը կարող է խնդրահարույց լինել»,- հայտարարել է Աղաջանյանը։
Նա մանրամասնել է, որ գլխավոր դիրիժորի պաշտոնը կլքի 2023 թվականի հունիսի 14-ին։ Միաժամանակ արտիստն իր երախտագիտությունն է հայտնել այն թիմին եւ հանրությանը, ում հետ աշխատել է Պերմի օպերայի եւ բալետի թատրոնում։
«Շնորհակալ եմ իմ սիրելի երգիչներին, նվագակցողներին, պարողներին, իմ սիրելի երգչախմբին եւ, իհարկե, իմ սիրելի նվագախմբին նվիրվածության ու պրոֆեսիոնալիզմի համար», - եզրափակել է դիրիժորը։
