Logo dark variant
Սեղմեք Enter՝ որոնման համար կամ ESC՝ փակելու համար
Ամերիկյան հեռուստահաղորդավարուհի Օփրա Ուինֆրիին տված արքայազն Հարիի եւ նրա կնոջ՝ Մեգան Մարքլի աղմկահարույց եւ սկանդալային հարցազրույցի հրապարակումից հետո «թագավորական» հուշանվերների գներն անկում են ապրել։
Ինչպես հայտնում է Mirror պարբերականը հարսանեկան հագուստով Հարիի եւ Մարքլի ճենապակյա արձանիկների արժեքը 195 ֆունտից նվազել է մինչեւ 146 ու կես: Այսպիսով, անկումը կազմել է սկզբնական գնի մոտ 25 տոկոսը։
Միեւնույն ժամանակ զույգի պլաստիկ արձանիկների գինը 18-ից դարձել է 12 ֆունտ։
Ինչպես հայտնում է հրատարակությունը՝ վկայակոչելով թագավորական ընտանիքի աղբյուրներին, հուշանվերների գինը կարող էր ընկնել թագավորական ընտանիքի նկատմամբ կոլեկցիոներների ցուցաբերած հարգանքի պատճառով:
«Հնարավոր է, որ գինը նվազել է պահանջարկի անկման հետ մեկտեղ։ Այն կարող է պայմանավորված լինել Նորին Մեծության հանդեպ հուշանվերների սիրահարների կողմից ցուցաբերած լոյալությամբ՝ դուքսի եւ դքսուհու հետ կապված իրադրությունների պատճառով», - Mirror-ը մեջբերում է աղբյուրի խոսքը:
Հիշեցնենք, որ հարցազրույցի ընթացքում Մարքլը եւ արքայազն Հարին մի շարք հայտարարություններ են արել, որոնք հասարակության կողմից մեծ արձագանք են ստացել:
Աղբյուրը՝ RenTv
Լուսանկարը՝ GettyImages/Mirror
