Սիրուշոն այս օրերին Լիոնում է՝ Ֆրանսիայի արվեստի ու մշակույթի կենտրոններից մեկում։ Երգչուհին երկար դադարից հետո սկսել է իր համերգային շրջագայությունը։ Առաջին քաղաքը Լիոնն է, որտեղ վաղը կկայանա երգչուհու սպասված համերգը, իսկ մինչ այդ անդադար փորձեր են։ Հմայիչ գեղեցկուհին, հագեցած առօրյային զուգահեռ, հասցնում է նաև Ինստագրամի էջում նոր լուսանկարներով և գրառումներով իր հետևորդներին տեղեկացնել նախապատրաստական ընթացքի մասին։ Երգչուհին զբոսնել է Լիոնով և մի քանի գեղեցիկ լուսանկարներ անել։ Սիրուշոն իր նախանձելի կազմվածքն ընդգծել է սև տաբատով ու ոճային շապիկով։ Նա կրում է թրենդային արևային ակնոց ու բանդանա։ Նրա կերպարն ամբողջացնում է մարմնագույն վերարկուն։
