Logo dark variant
Սեղմեք Enter՝ որոնման համար կամ ESC՝ փակելու համար
Ազգերի Լիգայում Ջիբրալթարից կրած անակնկալ ու ամոթալի պարտությունից հետո 3 օր անց հանրապետական ստադիոնում երկրպագուներն ավելի աղմկոտ ու ոգեւորված էին աջակցում Հայաստանի հավաքականին:
Մակեդոնիայի հետ խաղը մեկնարկեց նրանց ակտիվ վանկարկումներով ու հավաքականի համարձակ գրոհներով: Հերթականներից մեկի ժամանակ էլ Մարկոս Պիզելին բացեց խաղի հաշիվը, գոլը գրանցվեց 12-րդ րոպեին:
Հանրապետական ստադիոնը հաճելի լարվածության մեջ էր, վտանգավոր պահերը հաջորդում էին իրար, դժվար էր անգամ դրանց հաշիվը պահել:
Սակայն բոլորի տրամադրությունն ընկավ գոլից րոպեներ անց, երբ Պիզելին վնասվածք ստացավ ու փոխարինվեց, ողջ ստադիոնը նրան հոտընկայս ճանապարհեց, խաղադաշտ մտավ Արտակ Գրիգորյանը:
Հայ ֆուտբոլիստները խաղում էին կարճ ու դիպուկ փոխանցումներով, քայլ առ քայլ էին մոտենում մրցակցի տուգանայինին: 30-րդ րոպեին գոլի հեղինակ կարող էին դառնալ միանգամից երկուսը`Հենրիխ Մխիթարյանն ու Սարգիս Ադամյանը, սակայն երկու դեպքում էլ մի քիչ դիպուկություն չբավականացրեց:
Ավելացված ժամանակում թիմերը մեկական վտանգավոր հարվածներով փոխանակվեցին, Մակեդոնիայի կազմում աչքի ընկավ Գորան Պանդեւը, Հայաստանի`Գեւորգ Ղազարյանը:
Երկրորդ խաղակեսում էլ թիմը գործում էր տրամադրված ու ոգով, ինչն անզեն աչքով էլ երեւում էր, թեեւ Պիզելիի բացակայությամբ գրոհներն այդքան էլ սուր չէին ստացվում: Բայց Մակեդոնիայի դեմ խաղում էլ 3 օր առաջվա հավաքականը չէր գործում, քննադատություններն իրենց նպատակին հասել էին:
2-րդ կեսում ամենառեալ գոլային պահը եղավ 56-րդ րոպեին, սակայն Հենրիխ Մխիթարյանի հարվածից հետո գնդակը դիպավ դարպասաձողին:
Սակայն Երեւանում միավորներ կորցնել խմբի առաջատար Մակեդոնիան չէր պատրաստվում, այն փորձում էր օգտագործել ամեն պահը, բարեբախտաբար չէր ստացվում: 3 անգամ հավաքականին փրկեց դարպասապահ Արամ Հայրապետյանը, ճնշումը մակեդոնացի ֆուտբոլիստների կողմից աստիճանաբար ավելանում էր:
Բայց հայերի արդեն իսկ հաջորդ գրոհը գոլային էր: Մխիթարյանի փոխանցումից հետո գոլի հեղինակ դարձավ երկարատեւ դադարից հետո հավաքական վերադարձած Յուրա Մովսիսյանը՝ 2:0:
Ստադիոնում մթնոլորտն ու տրամադրությունն աննկարագրելի էին, գոլից հետո այն կարծես ավելի լիքն ու մեծ դարձավ: Իսկ երբ Գեւորգ Ղազարյանը տուգանայինից 3-րդ գնակն ուղարկեց մրցակցի դարպասը, երկրպագուներն երջանկությունից խենթացան: Հարվածը շատ ուժեղ չէր, ու նույնիսկ թվաց դարպասապահն այն կորսա, սակայն 3-րդ գոլն անչափ գեղեցիկ ստացվեց:
Ավելացված ժամանակում Էլյիֆ Էլմասը կարմիր քարտ ստացավ, ու Հենրիխ Մխիթարյանը վերջնականապես երջանկացրեց բոլորին՝ 4:0:
Հայաստանի հավաքականն Ազգերի Լիգայում 2-րդ հաղթանակը տարավ ու 6 միավորով 2-րդն է:
Սակայն Երեւանում միավորներ կորցնել խմբի առաջատար Մակեդոնիան չէր պատրաստվում, այն փորձում էր օգտագործել ամեն պահը, բարեբախտաբար չէր ստացվում: 3 անգամ հավաքականին փրկեց դարպասապահ Արամ Հայրապետյանը, ճնշումը մակեդոնացի ֆուտբոլիստների կողմից աստիճանաբար ավելանում էր:
Բայց հայերի արդեն իսկ հաջորդ գրոհը գոլային էր: Մխիթարյանի փոխանցումից հետո գոլի հեղինակ դարձավ երկարատեւ դադարից հետո հավաքական վերադարձած Յուրա Մովսիսյանը՝ 2:0:
Ստադիոնում մթնոլորտն ու տրամադրությունն աննկարագրելի էին, գոլից հետո այն կարծես ավելի լիքն ու մեծ դարձավ: Իսկ երբ Գեւորգ Ղազարյանը տուգանայինից 3-րդ գնակն ուղարկեց մրցակցի դարպասը, երկրպագուներն երջանկությունից խենթացան: Հարվածը շատ ուժեղ չէր, ու նույնիսկ թվաց դարպասապահն այն կորսա, սակայն 3-րդ գոլն անչափ գեղեցիկ ստացվեց:
Ավելացված ժամանակում Էլյիֆ Էլմասը կարմիր քարտ ստացավ, ու Հենրիխ Մխիթարյանը վերջնականապես երջանկացրեց բոլորին՝ 4:0:
Հայաստանի հավաքականն Ազգերի Լիգայում 2-րդ հաղթանակը տարավ ու 6 միավորով 2-րդն է:
