Շառլ Ազնավուրի հրաժեշտի արարողությունը լուսանկարներում

Փարիզի «Հաշմանդամների պալատում» տեղի ունեցած «Ազգային հարգանքի տուրքի» արարողությանը՝ նվիրված Շառլ Ազնավուրին, այսօր մասնակցել է 2 հազարից ավելի մարդ, իսկ ուղիղ հեռարձակմանը հետեւել են բազմաթիվ երկրպագուներ ամբողջ աշխարհում:

Մեծն շանսոնյեի հոգեհանգստի արարողության մեկնարկին հնչել են Հայաստանի եւ Ֆրանսիայի օրհներգերը: Շառլ Ազնավուրի աճյունը հուշահամալիրի բակ է դուրս բերվել «Դլե Յաման»-ի հնչյունների ներքո՝ դուդուկի կատարմամբ, որից հետո ելույթ են ունեցել ՀՀ վարչապետ Նիկոլ Փաշինյանը եւ Ֆրանսիայի նախագահ Էմանուել Մակրոնը:

Աշխարհահռչակ հայի հրաժեշտի արարողությանը ներկա են եղել ՀՀ նախագահ Արմեն Սարգսյանը, Ն.Ս.Օ.Տ.Տ. ամենայն հայոց կաթողիկոս Գարեգին Երկրորդը, Ֆրանսիայի նախկին նախագահներ Նիկոլա Սարկոզին եւ Ֆրանսուա Օլանդը, բարձրաստիճան այլ պաշտոնյաներ, հասարակական, քաղաքական, մշակութային գործիչներ:

Լուսանկարները՝ AP-ի, SIPA-ի

Թարմ լուրերը Telegram-ում